Земјите од СИЕ, кои пред неколку месеци пристапија во ЕУ, интерно се зафатени со длабок трансформациски процес. Во тоа се вклучени и институциите во државата, администрацијата и економијата, нивната улога во еден поредок на пазарна економија треба да биде утврден донекаде дури сега, а укажуваат на еден мошне фрагилен, незавршен карактер. Но, токму тие мораат да функционираат безусловно сигурно за спроведувањето и контролата на правниот систем на ЕУ! Овие очигледни административни слабости кај најнапредните кандидати за пристапување даваат до знаење дека при спроведувањето, на пример, на структурната политика можат да се очекуваат гравирачки потешкотии.

Кон ова се придодава ниското ниво на економски развој на новите членки, кои со просечно 32 проценти од БНП по глава на жител ќе имаат трајна потреба од поддршка за достигнување на просекот на ЕУ. Посилно од кои било претходни очекувања, ЕУ ќе премине во развојна заедница.
Сево ова е многу општо. Затоа би сакал преку пример да конкретизирам, кои проблеми се поврзани со ЕУ. Тие се покажуваат особено во областите на аграрната и структурната политика, при што би сакал ова да го навестам со само неколку бројки. Најпрво да ги разјасниме уште еднаш енормните разлики во благосостобата. Уште во самата ЕУ постојат големи разлики. Бруто националниот производ (БНП) во Данска се наоѓа, на пример, на една третина над просекот на ЕУ (125%), наспроти што Португалија и Грција стигнуваат само до половината (50%). Полска и Унгарија, значи две од најнапредните кандидати за пристапување, стигнуваат со својот актуелен БНП, пак, само до половината од вредноста кај двете најсиромашни држави-членки на ЕУ!