Европска Унија

Долгорочна перспектива како предуслов за разбира-њето на ЕУ

Фактот што два од петте основни курса (основен курс 2 и 3) од тематскиот комплекс се занимаваат со развојот на ЕУ, а кај два други (основен курс 4 и, пред сè, основен курс 5 за проширувањето) долгорочната временска перспектива игра значајна улога, би можело да доведе до заклучок дека авторот се води од еден посебен историски интерес, што некому му дава повод за стравување дека би недоставувало актуелност. Таквиот впечаток е погрешен.
Во центарот на целиот тематски комплекс стои интересот за пренесување на едно основно, самостојно разбирање на ЕУ што помага не само во разбирањето на тука прикажаниот развој до октомври 2005, туку и во тоа, да можеме да ги класифицираме и оценуваме идните случувања. Но, централен предуслов за стекнување на едно такво самостојно разбирање кај една постојано променлива ЕУ е долгорочната перспектива, бидејќи само преку неа можат да се препознаат суштинските детерминанти, кои помагаат во објаснувањето на напредоците и кризите од минатото како и во оние на сегашноста и на иднината. Затоа и насловот за основните курсеви 2 и 3 сосем намерно не гласи „Историјат на ЕУ“, туку „Анализа на процесот на интеграција“.

Главни прашања за анализата

Секоја анализа започнува со идентификувањето на основните прашања, кои се поставуваат во контекст на процесот на интеграција. Кои се таквите основни прашања по однос на развојот на ЕУ? Несомнено, посебно прашањето за тоа како е можно националните држави, коишто само пред неколку децении водеа војни едни против други, најтесно да соработуваат на практично сите полиња, па дури и да воведат една заедничка валута! Ова треба да не придружува како главно прашање.

Прилози кон основните курсеви 2 и 3

[Почеток на страна]