Serveri i Edukimit Dadalos: Kompleksi tematik Bashkimi Evropian

Bashkimi Evropian

Kompleksi tematik "Bashkimi Evropian"

Një ndër qëllimet parësore të D@dalos është dhënia e kontributit për një "Evropë mbarëevropiane". Çfarë do të thotë kjo? Kjo do të thotë, nga njëra anë, që ne mbështesim përpjekjet për bashkimin e mbarë kontinentit evropian. Ne e vëzhgojmë situatën aktuale si një rast historik, e cila është rezultat i ndryshimeve epokale gjatë viteve pasuese të 1989. Së dyti, kjo do të thotë, që qëllimi ynë është një Evropë evropiane, pra një Evropë e cila ruan dhe zhvillon më tej identitetin e saj evropian.

Ky identitet dëshmohet në aspektin e shumëllojshmërisë kulturore por edhe në ekzistencën e një kulture evropiane, elemente jo pak të rëndësishëm të së cilës dhe të lidhura pazgjidhshmërisht me të, demokracia dhe të drejtat e njeriut, njihen si vlera qendrore evropiane. Që të dyja këtyre aspekteve u kemi kushtuar në serverin tonë të edukimit komplekse tematike të veçanta dhe voluminoze.

Ky kompleks tematik mbi Bashkimin Evropian merret me institucionin, që i ka vënë qëllim vetes "të arrijë një bashkim gjithnjë e më të ngushtë të popujve të Evropës". Këtu do të trajtohen para së gjithash këto çështje:

Personale

Ju uroj përzemërsisht mirëseardhjen në kompleksin tematik pothuaj krejtësisht të ri mbi "Bashkimin Evropian", i cili u mbyll në dhjetor 2005 pasi më së fundi u aktualizua krejtësisht. Por aktualizimi nuk ishte qëllimi i vetëm dhe më i rëndësishëm i këtij rikonceptimi. Për ne ishte parësore, të mund t'Ju përçonim aftësinë për të analizuar dhe gjykuar Ju vetë zhvillimet brenda Bashkimit Evropian. Dhe pikërisht në këtë aspekt, duke bërë krahasimin me versionin e parë, ndërmorëm përmirësime tejet të rëndësishme, duke Ju paraqitur për shembull në Kursin bazë 3 ose në Kursin e ri Bazë 5, i cili trajton zgjerimin e Bashkimit Evropian, modele të thjeshta dhe të kuptueshme, të cilat do të mund t'Jua krijonin këtë mundësi.

Më mbetet vetëm t'Ju uroj shumë sukses dhe zbavitje gjatë kohës që do të merreni me këtë kompleks tematik, si dhe t'Ju lutem të na përcillni përshtypjet Tuaja. Do të gëzoheshim shumë për çdo feedback të marrë prej Jush.

I Juaji Wolfgang Schumann

Si është zhvilluar Bashkimi Evropian (BE)?
Si funksionon ai? Cilët faktorë kanë ndikuar në zhvillimin e tij?
Cila është struktura e institucioneve? Kush i merr vendimet?
Para cilave sfida qëndron BE-ja? Cili është stadi aktual i raundit të zgjerimit?

Sfond i kësaj oferte voluminoze online mbi BE-në është fakti, që njohuritë mbi Bashkimin Evropian janë shumë të ulëta krahasuar me rëndësinë e tyre praktike për pothuaj të gjitha fushat dhe aspektet në Evropë. Vetëm një ide e përgjithshme dhe me baza rreth kësaj organizate komplekse lejon krijimin e një opinioni të mirëargumentuar, larg nga paragjykimet dhe legjendat e zakonshme.

... shko më tej te Kursi bazë 1: Hyrje në tematikë ...

Falënderimi ynë i shkon Komisionit Evropian, nga biblioteka e të cilit "Audiovisual Library" kemi shkëputur edhe disa pamje të përdorura këtu: http://www.europa.eu.int/comm/mediatheque/index_en.html

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat

Kjo ofertë online është zhvilluar nga a gora-wissen Shoqata e Shtutgartit për përçim dijesh përmes mediave të reja dhe edukimit politik (GbR). Në rast pyetjesh ose vërejtjesh drejtohuni, Ju lutemi, te ne .