Përmbajtja


Temat e librit metodik online mbi BE:

Hyrje

Rëndësia e BE

Çfarë është BE?

Zhvillimi i BE

Institucionet e BE

Kërkimet në internet rreth BE

 Instrumentat e kërkimit

 Kërkimi social

 Kërkimi i dokumentave

 Kërkimi semantik

 Kërkimi Deep Web
 

Vetëm këto predispozita kanë bërë të mundur fenomene të tilla si Wikipedia, enciklopedia më e madhe online në botë me diferencë të dukshme nga të tjerat, si dhe Flickr, YouTube, Facebook etj. Të gjitha këto kanë çuar në krijimin e asaj, që në përgjithësi e quajnë Web 2.0, si dhe në rritjen në një masë të pabesueshme të informacioneve të disponueshme në internet. Në kërkimin social bëhet fjalë për mënyrën, se si të kërkojmë dhe të bëjmë të dobishëm përmbajtje të gjeneruara nga përdoruesit, prezenca e të cilave në masën e përgjithshme të informacioneve të disponueshme vjen gjithnjë duke u rritur.

Në këtë kontekst, kërkim social do të thotë, që agregacionet, që realizojnë përdoruesit e internetit gjatë mbledhjes së burimeve të informacioneve online, të bëhën të shfrytëzueshme, p.sh. duke i 'tagguar' – ose ndryshe duke i lidhur ato me terma kyçe -, duke krijuar lista publike etj. dhe duke na e bërë kështu të gjithëve më të lehtë aksesin dhe të kuptuarit e informacioneve.

Le të fillojmë me një shembull, në të cilin bëhet fjalë për social bookmarking. Screenshot-i i mëposhtëm Ju tregon faqen hyrëse në  Bookmarksammlung auf Diigo, me akses publik,  një shërbim shenjimi (bookmarking) online. Vitet e fundit kemi grumbulluar aty të gjitha burimet, që na janë dukur të rëndësishme dhe interesante (literaturë, burime interneti, news etj.) në lidhje me BE. Për momentin (tetor 2010) bëhet fjalë për më shumë se 1.200 regjistrime, të cilat na janë shfaqur – dhe kjo është me rëndësi qendrore – përmes taggimit apo termave kyç. Krahas kësaj, sikurse mund ta kuptoni edhe nga Screenshot, janë memorizuar jo vetëm linket, por edhe fragmente të përzgjedhura nga këto burime.

Çfarë dobie sjell kjo në kuadrin e kërkimeve rreth BE? Le të supozojmë, se ju keni interes për dy referendumet irlandeze lidhur me Traktatin e Lisbonës. Nëse jepni termin e kërkimit "lisbon treaty ireland referendum" në Google, do t'ju shfaqen më shumë se  200.000 rezultate. Por nëse bëni një kërkim të filturar në koleksionin e Bookmarking me ndihmën e termave kryesorë të kërkimit "lisbon-treaty", "ireland", "referenda", atëherë do t'ju shfaqen pikërisht 35 burime shumë relevante, të përzgjedhur nga ekspertë, të cilat do t'ju mundësojnë të informoheni shpejt dhe në mënyrë të mirëorientuar rreth të gjitha aspëkteve të rëndësishme. Dhë pikërisht këtu, në faktin që ju mund të shfrytëzoni informacione të përzgjedhura dhe të tagguar nga ekspertë, kjo është edhe epërsia e madhe e kërkimit social.

Kërkimi social me Delicious

Për këtë qëllim ju, natyrisht, nuk duhet të dini, se kush mbledh informacione dhe në cilën fushë, për ta shfrytëzuar këtë mundësi. Ju thjesht duhet të surfoni në faqen hyrëse të shërbimit bookmarking, të jepni aty sikurse zakonisht termat tuaj të kërkimit dhe më pas do t'ju shfaqen rezultatet. Por, me anë të përdorimit të  Delicious, sikurse e bën të qartë edhe Screenshot i mëposhtëm – krahas çdo rezultati, tregohet edhe se sa përdorues e kanë memorizuar këtë burim në koleksionin e tyre bookmarking, gjë që sigurisht mund të jetë një tregues i relevancës së informacionit.

Epërsitë e kërkimit social

Ku qëndrojnë epërsitë e kërkimit me këto shërbime? Fillimisht në faktin, që ato paraqesin një përzgjedhje të rrokshme e të seleksionuar burimesh. Pra, nuk ka nevojë të përballemi me qindra mijëra rezultate njëherësh. Me shumë dobi mund të jetë mundësia e kalimit me klikim te personat, që kanë memorizuar link-un përkatës. Te Diigo, për shembull, kjo do t'Ju çonte në koleksionon tonë të shenjimeve, duke Ju dhënë mundësinë për tu abonuar tek ky i fundit nëpërmjet një RSS-Feed. Kjo do të thotë, që sa herë që unë do të memorizoj një burim, Ju do të njoftoheni për këtë në mënyrë automatike duke qenë kështu në korrent të zhvillimeve pa u dashur të realizoni vetë kërkime! Së treti e së fundmi – nëse Ju do të kishit një Account në këtë shërbim – do të mjaftonte të klikonit mbi "save this", për të shtuar  burimin përkatës në koleksionin Tuaj të shenjimeve.

Pra, kërkim social do të thotë të mund të hysh dhe shfrytëzosh rezultatet e grumbulluara dhe të kategorizuara nga përdoruesit e tjerë të internetit, duke kursyer në këtë mënyrë kohë si dhe duke bërë më efektive kërkimet Tuaja. Por, këtu duhet të mbahet parasysh, që kjo nuk është rrugë me një kalim, pasi shumë prej tyre që përdorin këto shërbime dhe instrumente, mund të kontribuojnë në inventarin gjithnjë e në rritje të fakteve në internet, duke krijuar dhe vënë në dispozicion të të tjerëve grupe të tilla rezultatesh rreth fushave të interesit apo kërkimeve shkencore të caktuara


... shko më tej te Tipi 3: Kërkimi i dokumentave


[© Teksti dhe grafikët: Shoqëria Agora]
 

© 1998-2010 D@dalos - Edukimi politik, Edukimi me parimet e demokracisë, Edukimi me të drejtat e njeriut, Pedagogjia e paqes (Projekt i Pharos e.V.), Web: Agora