Përmbajtja


Temat e librit metodik online mbi BE:

Hyrje

Rëndësia e BE

Çfarë është BE?

Zhvillimi i BE

Institucionet e BE

Kërkimet në internet rreth BE

 Instrumentat e kërkimit

 Kërkimi social

 Kërkimi i dokumentave

 Kërkimi semantik

 Kërkimi Deep Web
 

Instrumentat e kërkimit ndahen në katër nënkategori:
 

Përdorimi i instrumentave të kërkimit rreth temës së BE


Instrumenta të kërkimit të përgjithshëm

Për arritjen e rezultateve të mira në përdorimin e instrumentave të kërkimit të përgjithshëm është me rëndësi vendimtare, që të realizoni kërkime të përparuara, që domethënë se nuk duhet kurrsesi të veproni si në screenshot-in e mëposhtëm – sikurse veprojnë për fat të keq shumica dërrmuese e përdoruesve.



Arsyen për këtë dëshirojmë t'Jua tregojmë me anë të një kërkimi për informacione reth efekteve të zgjedhjeve në Bosnje Hercegovinë, datë 3.10.2010, mbi procesin e zgjerimit. Me kërkesën e  bërë në Screenshot shihni, se si termat e kërkimit lidhen njëri pas tjetrit me fjalen "dhe". Kjo do të thotë përhembull që duhen gjetur edhe ato faqe, ku diku shfaqet "EU" dhe diku "enlargement" - por, nuk është kjo ajo që duam të gjejmë ne. Për ne është i rëndësishëm termi ekzakt "eu enlargement".

Krahas kësaj ky lloj kërkimi nuk merr në konsideratë faktin, që për ne të rëndësishme janë zgjedhjet e datës 3.10.2010, ndërkohë që rezultatet përfshijnë të gjitha burimet e informacioneve edhe rreth zgjedhjeve të mëparshme në Bosnje-Hercegoinë. Kjo bën që të na shfaqen një mori rezultatesh jorelevante.

Përdorni gjithmonë  "advanced search" dhe filtrat

Pikërisht këto probleme mund të zgjidhen përmes shfrytëzimit të kërkimit të përparuar, tek i cili mbërrini me një të klikuar të mausit në linkun "Advanced Search". Atje vihen në dispozicion mundësi të shumta, të ashtuquajtra filtra, të cilat do t'ju ndihmojnë të bëni kërkesën tuaj në google shumë më të qartë dhe më të saktë, duke thënë me saktësi, për se jeni të interesuar. Nëse ne atje do të përdorim vetëm dy prej këtyre filtrave, duke kërkuar fillimisht për shprehjen e saktë "eu enlargement" dhe së dyti do përdorim filtrin e datave duke kërkuar vetëm burime informacioni të muajit të fundit, atëherë rezultati është një përmirësim tërësor, sikurse mund të shihet në Screenshot: prej më shumë se 43.000 bëhen rreth 500 rezultate.

Instrumentat e meta-kërkimit

Këta kërkojnë në të njëjtën kohë inventarin e  informacioneve të disa instrumentave të tjera kërkimorë, dhe Jua paraqesin të gjitha të renditura sipas algoritmeve të veta. Mjë kërkim shembull me Scour - një instrument i Meta-Kërkimit, i cili pyet njëkohësisht Google, Yahoo! dhe Bing si dhe kërkon rezulate në kohë reale te Twitter - synon të sqarojë, se ç'do të thotë kjo dhe ku qëndrojnë përparësitë. Termi kryesor i kërkimit ishte "eu enlargement serbia".



Ky screenshot Ju tregon 3 rezultatet e para të faqes së parë. Nëse vini re ikonat e anës së djathë në kuadrat të kuq të çdo rezultati kërkimi, rezultati i parë tek Yahoo! është gjithashtu në vend të parë te Bing – ndërsa tek  Google as nuk do ta kishit gjetur! Rezultati i dytë te Scour ishte në vend të dytë edhe te Google dhe Bing – por me Yahoo! nuk do ta kishit gjetur.

Me instrumentat e meta-kërkimit kërkimet realizohen, pra thënë shkurt, njësoj si me instrumentat e kërkimit të përgjithshëm. Gjithsesi kërkimet e zgjeruara vihen në dispozicion vetëm në shumë pak prej instrumentave të meta-kërkimit. Arsyeja për këtë është fakti, që në kërkimin e njëhershëm të disa inventarëve të dhënash duhet operuar në të njëjtën kohë me emëruesin më të vogël të mundshëm si dhe të hiqet dorë  nga mundësitë e filtrave specialë, që në instrumenta të ndryshme kërkimi  dallojnë nga njëri-tjetri.

Shkruani pra, sikurse paraqitet edhe në  Screenshot-in e mëposhtëm për AllPlus Clusty, termin Tuaj të kërkimit në dritaren e kërkimit në faqen hyrëse. Lini fillimisht mënjanë mundësitë e selektimit përmes fushës së kërkimit (web, news, images etj.), lini pozicionin standard (web) dhe klikoni mbi "Search". Pas kësaj do t'Ju shfaqet lista me rezultatet e mëposhtme, që në këtë rast janë 125 (16.10.2010).



Ajo, që bie në sy fillimisht është pjesa e majtë e dritares, e cila i kategorizon këto rezultate në të ashtuquajturit Cluster. Këto janë rezultate të lidhura relativisht ngushtë me njëri-tjetrin, të cilat kanë elemente qendrore të ngjashme. Këtu bëhet fjalë për një funksion tejet të dobishëm, pasi ai Ju mundëson që me një klikim të mausit  mbi linkun përkatës të përqendroheni në rezultatet e pakta të një Clusteri të caktuar.

Pra, nëse fillimisht kërkoni të merreni të themi me situatën në Irlandë, klikoni mbi linkun "Irish referendum" (1) – dhe pastaj në anën e djathtë do t'Ju shfaqen të 54 rezultatet e këtij Clusteri. Në këtë mënyrë, në shumë raste, mund të kurseni shumë kohë.

Por, krahas kësaj, ka edhe mundësi të tjera interesante dhe të efektshme për të ngushtuar më tej fushën e rezultateve dhe për t'ua përshtatur atë nevojave Tuaja. Le të supozojmë se për Ju ka rëndësi para së gjithash debati aktual rreth referendumit irlandez. Në këtë rast, në pjesën e sipërme do të zgjidhnit në vend të “web” opsionin tjetër “news” (2) dhe do t'ju shfaqen kështu informacione të shumta rreth kësaj tematike që prej tetorit 2010.

Përparësitë dhe mangësitë e përdorimit të Instrumentave të Meta-Kërkimit

Ku qëndrojnë epërsitë dhe mangësitë e kërkimit me intrumentat e meta-kërkimit? Fillimisht, epërsitë qëndrojnë  në faktin, që rreziku, që mund t'Ju shpëtojnë rezultate të rëndësishme, është më i pakët. Krahas kësaj funksionet e shumta shtesë, sikurse shpjegova me anë të shembullit AllPlus, venë në dispozicion mundësi shumë të dobishme  për ta bërë procesin e kërkimit më efektiv dhe më të shkurtër.

Për këtë arsye në shumicën e rasteve do të ishte e rekomandueshme të punohej jo me instrumenta të veçantë të kërkimit të përgjithshëm, por me instrumenta të meta-kërkimit, me përjashtim të rasteve, kur kërkoni të realizoni një kërkim shumë special dhe kompleks, për të cilin do t'Ju duheshin domosdoshmërisht filtrat e kërkimit të përparuar, sikurse i ofrojnë Google & Co. Krahas instrumentave të prezantuar deri më tani të Meta-Kërkimit ka natyrisht edhe instrumenta të tjerë  me vlerë për t'u rekomanduar, si për shembull Yippy ose Metacraëler, por me dy të parët për çdo rast keni bërë një zgjedhje të mirë.

Përdorimi i Kërkim-Interfaces

Kërkim-Interfaces

Si kërkohet me Kërkim-Interfaces? Këtë duam t'Jua tregojmë duke marrë shembullin e Browsys Finders (shih  Screenshot). Filloni, si gjithmonë, duke dhënë termat e kërkimit në fushën përkatëse të kërkimit - lisbon treaty (1. Pas kësaj zgjidhni një nga kategoritë e mëdha - në shembullin tonë zgjidhet "News" (2). Dhe në mbyllje zgjidhni  instrumentin e kërkimit (news) të treguar poshtë dritares së kërkimit, që dëshironi të përdorni. Ne po zgjedhim Google Archive, i cili ofron një funksion veçanërisht interesant, prej prezantimit të të cilit nuk duam t'ju privojmë (3).



Google Archive Ju tregon te rejat në një bosht kohor, mbi te cilin mund të klikoni, në mënyrë që t'ju paraqiten rezultatet përkatëse në rrjedhë kronologjike për një periudhë të caktuar kohore. Në shembullin tonë do të kishte qenë vërtetë shumë e lehtë për të kuptuar të gjithë diskutimin rreth Traktatit të Lisbonës në periudhën 2006-2010. Një mundësi kjo, për të cilën një shkencëtar në fakt vetëm mund të ëndërrojë!

Mbani në konsideratë, ju jutem, që rezultatet shfaqen në dritaren Browsys. Pra, nëse Ju nuk jeni të kënaqur me rezultatet e instrumentit të kërkimit të zgjedhur fillimisht, thjesht klikoni mbi një tjetër, pa u dashur të rijepni edhe njëherë termat e kërkimit. Madje mund të ndërroni edhe kategorinë, pra në vend të "news" të zgjidhni për shembull "Academic" dhe pastaj të klikoni mbi njërin prej intrumentave të kërkimit shkencor, që ju shfaqen.

Krahas Browsys Finder dëshirojmë t'ju prezantojmë edhe Zuula. Epërsia kryesore e Zuula qëndron në faktin, që përmes saj bëhet një seleksioni dubletash, që do të thotë, rezultatet që keni gjetur tek Google, nuk do t'ju rishfaqen një herë të dytë tek Bing. Ky është një fundksion tejet i dobishm në praktikë. Scrrenshot-i vijues jua demonstron këtë përmes një kërkimi shembull me termin "eu enlargement macedonia".

Epërsitë dhe mangësitë e përdorimit të Kërkim-Interfaces

Ku qëndrojnë epërsitë dhe mangësitë e punës me kërkim-Interfaces? Epërsia kryesore i kërkim-Interfaces është fakti, që më këtë lloj kërkimi Ju vihen në dispozicion qindra instrumenta speciale të kërkimit, disa prej të cilëve do t'i njohim në pjesën përmbyllëse: fjalorë, enciklopedi, news, instrumenta sociale të kërkimit, instrumenta të kërkimit shkencor etj.

Mangësia e vetme qëndron në faktin që, duke provuar shumë, ekziston rreziku i humbjes së kohës. Krahas kësaj nuk mund të përdorni funksionet e filtrave komplekse të një kërkimi të përparuar, që janë të nevojshëm në kërkimet e veçanta. Kërkim-Interfaces me vlerë për t'u rekomanduar krahas Browsys Finder dhe Zuula do të ishte  edhe Trovando.

Instrumenta të kërkimit  special

Në pjesën më të madhe të asaj morie instrumentash kërkimi që ekzistojnë, më shumë se 500.000, bëhet fjalë për instrumenta të kërkimit, që mbulojnë praktikisht të gjitha tipet e mediave (video, audio, blogs etj.) dhe sektorëve (shkencë, drejtësi etj.). Ndaj në këtë pikë do të duhet të përqendrohemi në një fragment të vogël, pikërisht në atiotipe të instrumentave të kërkimit special, që kanë një rëndësi të veçantë për kërkimet rreth BE:

- Instrumentat e kërkimit shkencor
- Fjalorë dhe enciklopedi
- Instrumenta kërkimi të news
- Instrumenta kërkimi të literaturës
- Bankat e të dhënave rreth BE

përdorni "advanced search"

Instrumentat e kërkimit shkencor

Si mund të kërkojmë me instrumentat e kërkimit shkencor? Në thelb funksionon njësoj si tek instrumentat e kërkimit të përgjithshëm, pra, duhet që edhe këtu të përdorni kërkimin e përparuar. Në shembullin e Scirus, përfaqësuesi më i njohur e më i mirë i llojit të vet, kjo do të thotë, që Ju fillimisht duhet të kaloni direkt atje me një klikim mbi "Advanced Search.

Dritarja, që shfaqet pas kësaj, Ju ofron një sërë filtrash, prej të cilave në Screenshot-in e mëposhtëm jepet vetëm një pjesë. Si me anë të mundësive të përzgjedhjes përmes sektorëve Dropdown në pjesën e sipërme (1), ashtu edhe përmes mundësive të përzgjedhjes të shfaqur poshtë tyre (2) bëhet menjëherë e qartë, që këtu është fjala për një instrument të kërkimit shkencor, që i njeh kërkesat dhe nevojat e veçanta në këtë fushë si dhe i merr ato në konsideratë (kërkim për titullin e një reviste shkencore, një autor,  një kodi ISBN etj).



Edhe më e qartë bëhet kjo, nëse i hidhni një vështrim pjesës së rezultateve lidhur me kërkesën tonë të marrë si shembull në lidhje me Traktatin e Lisbonës. Sikurse mund ta vini re pa problem (1), në këtë rast bëhet fjalë – ndryshe nga ç'ndodh te Google – për burime shkencore të vogla sikurse janë artikujt, librat etj. Vini re gjithashtu edhe mundësitë për ta bërë kërkimin Tuaj më të detajuar përmes Cluster-it (2) si dhe për t'i dërguar rezultatet Tuaja me e-mail, për t'i memorizuar apo eksportuar ato (3) si dhe për t'i përfshirë drejtpërdrejti në dorëshkrimin Tuaj.

Epërsitë e instrumentave të kërkimit shkencor

Pyetja, se cilat janë epërsitë e kërkimit me instrumentat e kërkimit shkencor e ka marrë tashmë përgjigjen. Dobia e tyre për një artikull specifik shkencor, një punë diplome apo publikime më të mëdha  rreth një teme (mbi BE) është absolutisht e detyrueshme për të përpunuar nivelin e kërkimeve rreth tematikës në fjalë. Për t'u rekomanduar krahas Scirus do të ishte edhe Google Scholar, një instrument i shkëlqyer plotësues.

Fjalorët dhe enciklopeditë

Le të jemi të sinqertë – shfletimi i herëpashershëm gjatë trajtimit të BE, një objekti i cili ndodhet në shndërrim të vazhdueshëm, do të bënte pjesë, edhe për profesionistët, në mundësitë më të rëndësishme, që ofron interneti. Sa deputetë ka tani Parlamenti Evropian? Si quhet komisionerja suedeze? Kush e ka patur para dy vjetësh presidencën e BE? Çfarë parashikonte Plani i Werner-it? - të gjitha këto e shumë të tjera nuk ka njeri, që t'i mbajë mend.

Por për informacione të këtij lloji ka gjithmonë nevojë - dhe për fat këto janë të disponueshme në internet vetëm duke klikuar.  Një nga burimet më voluminoze të informacionit, me një numër të jashtëzakonshëm artikujsh rreth BE, është versioni në anglisht i Wikipedia-s. Që Wikipedia dhe enciklopedi të tjera nuk mund, nuk duan dhe nuk duhet të zëvendësojnë marrjen e hollësishme me literaturë shkencore, por vetëm t'i plotësojnë ato në sensin e përshkruar më sipër, kjo – shpresoj – vetëkuptohet.

Më poshtë do të prezantohet një mundësi interesante aksesi dhe kërkimi në inventarin e dijes së enciklopedisë më të madhe, pikërisht përpara se të fillojmë të flasim rreth disa burimeve të tjera të rekomandueshme duke mbajtur në konsideratë pikërisht kërkimin rreth BE.

Wikimindmap – Artikujt e Wikipedia-s rreth një teme si Mindmap

E veçanta e Wikimindmap qëndron në faktin, që të gjitha informacionet e regjistruara të një versioni gjuhësor të caktuar të Wikipedia Ju shfaqen në formën e një Mindmap, sikurse e bën të qartë edhe Screenshot-i vijues.

Epërsitë e Wikimindmap

Termat tanë të kërkimit shfaqen në qendër të një Mindmap (1). Degët kryesore tregojnë artikujt, që u referohen këtyre. Duke klikuar mbi shenjën e plusit degët kryesore mund të hapen më tej dhe përmbajtjet e tyre diferencohen(2). Nëse klikoni me anë të mausit mbi shigjetat e gjelbërta pranë një termi, do të gjenerohet një Map i ri me objektin e degës kryesore në qendër, në shembullin tonë më Parlamentin Evropian (3). Nëse klikoni direkt në tekstin e një nëndege, atëherë Wikimindmap do t'ju tregojë artikullin përkatës të Wikipedia; në Screenshot për shembull është shfaqur artikulli rreth Traktatit të Amsterdamit (4).

Lojëra? Aspak! Përkundrazi, një ndihmë shumë e madhe, për shembull për të krijuar një ide të përgjithshme mbi aspektet më të rëndësishme të një teme si dhe për të patur akses në  objektin përkatës brenda fraksionit të kohës, që do të na ishte nevojitur në ndonjë rast tjetër. Një ndihmë e paçmueshme pikërisht në njohjen e sistemit kompleks të BE!

Enciklopedi të tjera

Natyrisht nuk ekziston vetëm Wikipedia; Inventari i enciklopedive në Internet është i parrokshëm. Por shumë prej tyre ose janë të shfrytëzueshme vetëm me pagesë ose japin vetëm informacione të shkurtra dhe sipërfaqësore rreth BE. Ndaj le të mjaftohemi me referencën ndaj dy enciklopedive të tjera – vërtet të shkëlqyera. Pra, gjithsej këto tre enciklopedi do të mbulojnë nevojat Tuaja në lidhje me shfletimin rreth tematikës së BE:

a) Answers.com ofron informacione të bazuara; shpesh përmban edhe artikuj përkatës nga Wikipedia – por jo vetëm.

b) Das Europa Glossar Fjalor i shkëlqyer dhe specifik rreth koncepteve të rëndësishme të BE.

c) Wikipedia - Klasiku.

Kërkimi i news -  shpesh vendimtar për punët shkencore mbi BE





Epërsitë e Addict-o-matic

Instrumenta të kërkimit të të rejave (kërkimi i news)

Fakti, që pikërisht në rastin e  një objekti kaq shpejt të ndryshueshëm, sikurse është BE, kërkimet e detajuara dhe gjithëpërfshirëse të proceseve aktuale kanë një rëndësi të jashtëzakonshme, është po aq i vetëkuptueshëm sa edhe fakti tjetër, që pikërisht në këtë pikë kërkohen instrumenta të kërkimit special. Dhe të tillë ka plot, si për shembull ata të dy instrumentave të mëdha të kërkimit të përgjithshëm: Google News dhe Yahoo! Nachrichten.

Addict-o-matic

Por përse duhet të kënaqemi me zgjidhjen e dytë më të mirë, ndërkohë që ka edhe një mundësi tjetër shumë më të mirë për të kërkuar të rejat, pikërisht si një lloj meta-instrument i kërkimit news Addict-o-matic. Epërsitë e tij kryesore janë:

• Ai përdor një sërë burimesh të ndryshme e të shumta duke ofruar kështu për Ju në mënyrë komode një agregat informacionesh të shumëllojshme.

• ai u kthehet e burimeve “sociale”, sikurse është Twitter, ku gjenden udhëzime rreth artikujsh, raportesh dhe burimesh të kategorizuara si interesante dhe veçanërisht të rëndësishme, para së gjithash nga përdorues të tjerë të intenetit.

• Gjithashtu, mund të kërkohet edhe në elementët e Blog-ut, të cilët jo vetëm plotësojnë mediat tradicionale ne një sërë sektorësh dhe vendesh, por pjesërisht janë edhe më aktuale.

• Ai përmbledh jo vetëm tekste, por edhe foto apo video relevante, që përcjellin për shembull përshtypjet në kuadër të një prezantimi, gjë që nuk mund të realizohet vetëm me anë të një teksti.

• Ai lejon një shkallë të lartë personalizimi, që do të thotë se Ju mund ta përshtatni Addictomatic në një pjesë të madhe në varësi të nevojave tuaja, mes të tjerash edhe duke zgjedhur se cilat burime duhen përfshirë në kërkim, sikurse e tregon edhe Screenshot-i vijues, në të cilin gjithsesi mund të shihet vetëm një pjesë e mundësive të përzgjedhjes.

Funksione të ngjashme me Addict-o-matic ofron edhe Surchur. Ndërsa mundësitë e veçanta të Google News Archive Search, që përshtatet më së miri për ndjekjen e kujdeshme të të rejave lidhur me një temë (BE) për një periudhë më të gjatë kohore duke i shfaqur ato edhe në një bosht kohor, tanimë i kemi përmendur.

Shërbimet e Informacionit të BE: Euractiv dhe EU-Observer

Krahas instrumentave të rekomanduar të kërkimit të të rejave dëshirojmë të tërheqim vëmendjen edhe në lidhje me dy shërbime speciale të BE, që ofrojnë shumë më tepër se sa thjesht kërkimin e të rejave në lidhje me BE, pikërisht një grumbull me informacione, dosje dhe analiza aktuale. Për këtë ofertë të shkëlqyer nuk duhet as të mundoheni vetë, pasi ajo Ju dërgohet gratis dhe automatikisht në formë Newsletter-i ose me anë të RSS-Feed. Ata, që merren në mënyrë disi më intensive me BE, duhet të abonohen domosdoshmërisht në faqet e mëposhtme të internetit:

- EurActiv.com

- EUObserver

Instrumenta për kërkimin e literaturës

Të gjithë ata, që duan të merren në mënyrë shkencore me BE, duhet, natyrisht, të njihen me literaturën ekzistuese përkatëse. Për të gjetur literaturën e një fushe të caktuar në mënyrë të mirëorientuar dhe përmbledhëse, sot praktikisht nuk do të ishte më e mundur pa ndihmën e internetit. Sigurisht, ekzistojnë biblioteka të shumta (dixhitale) të fushave të caktuara, në të cilat grumbullohet me qëllim të qartë literatura përkatëse të kërkimit rreth BE, parë nga perspektiva e disiplinave të ndryshme shkencore. Prezantimi i tyre i hollësishëm këtu nuk do të ishte i mundur.

Ndaj, duam të përqendrohemi në një instrument të veçantë e të spikatur të kërkimit të literaturës,  Worldcat, që zotëron një inventar aq të gjerë e gjithëpërfshirës, sa që Ju mund të gjeni në mënyrë të besueshme, përtej kufijve të fushave specifike, pjesën më të madhe të titujve, që korespondojnë me fushën e interesit dhe të punës Suaj. Veç kësaj, ky instrument ofron edhe shumë funksione të tjera shtesë, që kalojnë kufijtë e një kërkimi të pastër, dhe lejojnë për shembull edhe përgatitjen e listave të literaturës online, si dhe Ju ofrojnë mundësi të thjeshta të këtyre bibliografive në formën e tekstit, sikurse punoni zakonisht.

Pra, në shumë pak raste do të keni nevojë më shumë sesa për shërbimin online të prezantuar më poshtë. Dhe boshllëqet, që eventualisht ekzistojnë, mund të mbyllen pa problem duke përdorur njërin prej instrumentave të kërkimit trajtuar më sipër.


Worldcat apo më shumë se 1.5 miliardë me një godtje

Ajo, që sapo thamë theksohet edhe më shumë nga fakti, që Worldcat realizon kërkime në një inventar prej  plot 1.5 miliardë titujsh (tetor 2010). Këtu përmblidhen kryesisht monografi dhe artikuj revistash, por Ju mund të kërkoni edhe për DVD apo CD që Ju duhen.

E nëse më në fund futemi në Worldcat, e para gjë që duhet bërë është hapja e një llogarie, e cila Ju ofron mundësinë e aksesit në funksionet e përparuara, si p.sh. përgatitja dhe memorizimi i bibliografive. Nëse dëshironi, mund të vendosni edhe një fotografi Tuajën, të shkruani pak rreshta rreth Jush dhe fushave të interesit Tuaj, duke krijuar kështu një profil, që do të ndihmonte të gjeni kolegë dhe kolege me sektorë të ngjashëm pune dhe aktivitetesh. Në këtë mënyrë, do të kishit akses në Bibliografinë tonë rreth marrëdhënieve BE - Ballkani Perëndimor - edhe pse vetë nuk keni bërë kërkime as edhe për një titull të vetëm!

Kërkimet me Worldcat

Pasi të keni hyrë dhe të keni krijuar profilin Tuaj, atëherë duhet që, - sikurse e njihni edhe nga instrumentat e kërkimit të përgjithshëm – të kaloni në kërkimin e  përparuar duke klikuar mbi "Advanced Search" dhe të jepni atje në dritaret e duhura termat Tuaj të kërkimit si dhe, në rast se duhet, të përdorni filtrat përkatës. Kështu, si shembull, kemi shënuar në dritaren "Key" termat "eu enlargement western balkans" dhe filtrin kohor e kemi vendosur në 2005-2010. Që këtej paraqiten rezultatet e mëposhtme, që duken në tërësi bindëse përsa i përket relevancës.



Edhe këtu, sikurse mund ta dalloni nga ana e majtë, Clustering- u realizohet nga pikëpamje të ndryshme  (autori, formati, viti, etj) (1), që e lehtëson shumë punën Tuaj. Dritarja Dropdown në qendër ofron mundësinë, për të vënë kryqin në tituj të veçantë, në mënyrë që t'i rendisni më pas në një listë të re apo ekzistuese literature (2), Nëse ju nevojiten detaje të mëtejshme rreth një titulli, mjafton të klikoni mbi link; dhe pas kësaj ju hapet një faqe me informcione të mëtejshme.

Përdorimi i bazave të të dhënave mbi BE

Bazat e të dhënave mbi BE

Një përshtypje të parë lidhur me numrin e madh dhe shumëllojshmërinë e bazave të të dhënave rreth BE mund t'Jua japë faqja përkatëse e Portalit në Serverin e Evropës, ku këto ose janë të kategorizuara sipas sektorëve  - sikurse tregohet në Screenshot-in e mëposhtëm – ose paraqiten në renditje alfabetike.

Për fat të mirë nëpërmjet zgjedhjes së gjuhës (vetëm për listat e bazave të të dhënave!!! përsa u përket përmbajtjeve të pjesës më të madhe të bazave të të dhënave, ato janë të disponueshme në anglisht – e ndonjëherë edhe në frengjisht), përshkrimeve të shkurtra dhe mundësitë e seleksionimit mund të gjeni vërtetë shpejt bazat e të dhënave, për të cilat keni nevojë. Gjithsesi, kjo nuk vlen për vendosjen dhe përdorimin e burimeve vetiake të informacionit; ndaj ju duhet të kaloni në bazën përkatëse të të dhënave përmes Hiperlink-ut në listë-përmbajtje dhe të kërkoni atje për udhëzime të tjera përdorimi, që ekzistojnë shumëfish.



Është bërë e qartë tashmë, që përpjekja për t'Ju dhënë qoftë edhe vetëm një ide të përgjithshme orientuese, do të kishte dashur një libër të trashë. Ndaj duam të kufizohemi vetëm me paraqitjen e dy bazave më të rëndësishme të të dhënave, pikërisht EUR-Lex dhe PreLex.

EUR-Lex

EUR-Lex ofron akses gratis në kuadrin ligjor dhe rregullues të Bashkimit Evropian. Përmes këtij sistemi Ju mund të njiheni me fletoren zyrtare të BE, si dhe marrëveshjet, aktet ligjore, jurisdiksionin dhe dispozitat ligjore përgatitore. Shpjegime në lidhje me faqen e internetit gjeni në një  faqe më vete. Krahas kësaj, përmes link-eve në bordurën e sipërme të dritares “Udhërrëfyesit", "FAQ" dhe "Ndihmë" në Faqen hyrëse të EUR-Lex Ju vihen në dispozicion informacione të tjera.

PreLex

Vështrime tejet interesante në procesin e vendimmarrjes brenda BE mundëson PreLex. Kjo bazë të dhënash përmban informacione që prej vitit 1976 (!) dhe aktualizohet çdo ditë. Aty përshkruhen procedurat, që janë vënë në lëvizje me anë dokumentash zyrtare (propozime, rekomandime, njoftime etj.), dhe që Komisioni ua ka përcjellë Këshillit, Parlamentit Evropian dhe organeve e institucioneve të tjera. Çdo dosje përmban etapat përkatëse (përcjellja Këshillit, pozicionimi i PE, pranimi formal përmes Këshillit etj).

Dokumentat e cituara, që gjenden në formë elektronike në faqet e internetit të Komisionit apo në faqe të tjera interneti, mund të thirren përmes link-eve përkatëse. Edhe këtu është ndër të tjera linku "Description of the database", i cili hap një dritare të re të vetën dhe vë në dispozicion informacione rreth përgatitjes dhe përdorimit të bazës së të dhënave.


... shko më tej te Tipi 2: Kërkimi social


[© Teksi dhe grafikët: Shoqëria Agora]
 

© 1998-2010 D@dalos - Edukimi politik, Edukimi me parimet e demokracisë, Edukimi me të drejtat e njeriut, Pedagogjia e paqes (Projekt i Pharos e.V.), Web: Agora