Bashkimi Evropian

Informacione të BE në Internet

Kush dëshiron apo duhet të merret në mënyrë më intensive me BE është menjëherë dhe për shumë arsye i varur nga interneti. Fillimisht për shkak të sasisë jashtëzakonisht të madhe të informacioneve, që vetë BE vë në dispozicion nëpërmjet internetit. Një vështrim në serverin e Evropës "Gateway to the European Union" (http://europa.eu/index_en.htm), në faqen e Komisionit të BE (http://ec.europa.eu/index_en.htm) ose të Parlamentit (http://tinyurl.com/eot48) dhe sektorëve të tyre të ndryshëm na jep një përshtypje të parë në lidhje me volumin dhe shumëllojshmërinë e kësaj oferte.

Informacione rreth BE në Internet

Këtu shtohen edhe informacionet rreth BE, që edhe për vetë ekspertët janë të parrokshme për nga masa e madhe. Kështu kërkimi për termin "european union" në Google, fillim qershori 2008, tregon jo më pak se 55 milionë rezultate! Por edhe vetëm oferta e Wikipedia rreth BE, paraqitur më poshtë në mënyrë grafike (versioni anglisht) – duke përdorur instrumentin e kërkimit Wikimindmap (http://Wikimindmap.com/) - paraqitet me dimensione të jashtëzakonshme. Veçanërsiht nëse mendojmë, që mjafton një klikim mbi shenjën e plusit për të diferencuar me tej nëndegët e tjera, dhe një klikim i thjeshtë mbi shigjetat e gjelbërta për të gjeneruar një Map të re, në shumë raste po kaq komplekse me konceptin përkatës - për shembull "supranationalism" (mbikombëtarizëm ) ose "European Council" (Këshilli i Evropës)!

BE ndryshon vazhdimisht





Web 2.0: burime të reja

Një arsye tjetër që e bën përdorimin e world wide web absolutisht të detyrueshëm për realizimin e kërkimeve rreth BE është ndryshimi i vazhdueshëm i objektit të analizës sonë. Sikurse pamë edhe në Kursin bazë 3 ("Si është zhvilluar BE?"), rregullat e lojës ndryshojnë me çdo ndryshim të ri të marrëveshjes. Publikimet e printuara thjeshtë nuk ia dalin dot të ecin me të njëjtën shpejtësi.

Për atë rreth personash që merren kryesisht me BE ka edhe një faktor tjetër, në fakt më pak të dukshëm por në thelb gjithsesi me rëndësi të veçantë. Pikërisht fakti që me krijimin e Web 2.0 shtohen burime krejtësisht të reja si për shembull Blogs (http://tinyurl.com/5agubc), Wikis (http://tinyurl.com/6r86ar), shërbime të Social Bookmarking (http://tinyurl.com/5zbstp) dhe shumë e shumë të tjera. Këto në shumë raste paraqesin qartazi një vlerë të shtuar, duke bërë të mundur kërkimin e infomacioneve në mënyrë më të qëllimshme e të shpejtë.

Tipa të instrumentave të kërkimit

Nga më tepër se 500.000 instrumenta kërkimi që ekzistojnë, të cilat mund të ndahen në pesë tipet e prezantuara më sipër, tre të fundit -  - kërkimi social, kërkimi në blog dhe dokumenta dhe kërkimi semantik – janë formuar pas krijimit të  Web 2.0. Tipi i parë, listat tematike, ka fituar një domethënie të re në kushte të ndryshuara (shih për shembull Mahalo - http://mahalo.com/). Por zakonisht përdoret vetëm një tip i instrumentave të kërkimit, dhe ky në pjesën dërrmuese të rasteve është Google si instrument i kërkimit të përgjithshëm, megjithëse instrumentat e kërkimeve speciale (kërkime shkencore, literature, kërkime në blog dhe news etj) kanë zakonisht rezultate shumë më të mira. Pasoja: rezultatet e kërkimit, megjithëse pjesërisht të paraqitura në një sasi jashtëzakonisht të  madhe, janë të mangëta dhe krahas kësaj – sillni ndërmend 55 milionë rezultatet e kërkimit për të cilat folëm në fillim - janë praktikisht të pamundura për tu shfrytëzuar.

Shtojcë  e kursit bazë

Nuk do të kishte shumë kuptim që këtë pjesë ta formësonim si një listë të komentuar linkesh. Një sëre linkesh të tilla do ti kalonte shpejt koha, ndërkohë që të tjera më të reja do të mbeteshin jashtë konsiderate. Veç kësaj edhe një listë shumë e gjerë burimesh as nuk do t'i afrohej të qenit e plotë dhe nuk do të mund të merrte parasysh të gjithë interesat e mundshëm e të veçantë të përdoruesve potencialë. Atëherë ç'duhet bërë?

Nëse, sikurse duket, nuk ka kuptim të bëjmë një përmbledhje, përse të mos e tregojmë, se si mund ta bëjë gjithsecili vetë, në mënyrë që çdokush të mund të sigurojë në mënyrë të vazhdueshme informacionet e veta – në varësi të nevojave përkatëse dhe sigurisht të aktualizuara. Dhe pikërisht kjo është detyra e Kursit të pestë bazë, i cili është njëkohësisht edhe kursi i fundit, në kuadër të këtij kompleksi tematik rreth BE.

Ndarja

Mënyra e të proceduarit është si më poshtë. Pesë tipet e instrumentave të kërkimit do të prezantohen shkurtimisht njëri pas tjetrit dhe në përfundim do të shpjegohet se si mund të kërkoni me to dhe saktësisht cilat burime rreth BE. Në kapitullin rreth instrumentave të kërkimit do të merremi në mënyrë veçanërisht të hollësishme me “Specialistët”, të cilët ofrojnë mundësi të shkëlqyera për një kërkim efikas.
 

... shko më tej te Tipi 1: Listat tematike ...