Përmbajtja


Temat e librit metodik online mbi BE:

Hyrje

Rëndësia e BE

Çfarë është BE?

Zhvillimi i BE

Institucionet e BE

Kërkimet në internet rreth BE

 Instrumentat e kërkimit

 Kërkimi social

 Kërkimi i dokumentave

 Kërkimi semantik

 Kërkimi Deep Web
 

Por edhe vetëm oferta e Wikipedia rreth BE, paraqitur më poshtë në mënyrë grafike – duke përdorur instrumentin e kërkimit Wikimindmap - paraqitet me dimensione të jashtëzakonshme. Veçanërisht nëse mendojmë, që mjafton një klikim mbi shenjën e plusit për të diferencuar me tej nëndegët e tjera, dhe një klikim i thjeshtë mbi shigjetat e gjelbërta për të gjeneruar një Map të re, në shumë raste po kaq komplekse me konceptin përkatës - për shembull "supranationalism" (mbikombëtarizëm ) ose "European Council" (Këshilli i Evropës)!

Publikimet e printuara të vjetëruara



Web 2.0: burime të reja

Një arsye tjetër, që e bën përdorimin e world wide web absolutisht të detyrueshëm si bazë për realizimin e kërkimeve rreth BE është ndryshimi i vazhdueshëm i objektit të analizës sonë. Sikurse pamë edhe në  Kapitullin rreth zhvillimit të BE rregullat e lojës ndryshojnë me çdo ndryshim të ri të marrëveshjes. Publikimet e printuara thjesht nuk ia dalin dot të ecin me të njëjtën shpejtësi.

Krahas kësaj me krijimin e Web 2.0 janë shtuar burime krejtësisht të reja, si p.sh. Blogs, Wikis, Shërbimet sociale bookmarking dhe shumë e shumë të tjera. Këto në shumë raste paraqesin qartazi një vlerë të shtuar, duke bërë të mundur kërkimin e infomacioneve në mënyrë më të qëllimshme e të shpejtë.

Rezultati: Edhe një listë linkesh shumë e mirë (si për shembull ajo e Bibliotekës së University of California Berkeley) nuk mund të jetë e plotë as në linja të përgjithshme e ca më pak të marrë në konsideratë interesat e veçanta të përdoruesve të ndryshëm. Por ç'duhet bërë atëherë?

Shtojcë e Kapitullit rreth kërkimve në internet mbi BE

Ne kemi vendosur t'Ju tregojmë, se cilat mundësi dhe instrumenta kërkimi ekzistojnë aktualisht dhe se si mund t'i përdorni ato Ju për të gjetur pikërisht ato informacione, që ju nevojiten në atë moment, shembuj ilustrues për një njësi mësimore, njohuritë më të fundit shkencore për seminarin tuaj apo detajet më të reja për përbërjen e një institucioni të BE.

Në këtë kontekst ne nuk duam dhe natyrisht nuk mund të trajtojmë të gjitha instrumentat e kërkimit, gjithsej 500.000, të cilat kategorizohen në pesë tipe me karakteristika të përbashkëta;  pikërisht këto pesë tipe  - me tiparet e tyre pozitive dhe negative - dëshirojmë t'Jua sjellim më afër dhe t'Ju demonstrojmë, se si mund t'i përdorni në mënyrë efektive për të gjetur burime informacioni rreth BE.

 

Pra, programi është ky: ne do të nisim me tipin më të njohur të instrumentave të kërkimit duke Ju prezantuar para së gjithash instrumentat e ndryshëm të kërkimit, të cilët na ofrojnë rezultate të shkëlqyera. Dy tipat e tjerë - kërkimi social dhe kërkimi i dokumentave - identifikojnë përmbajtje, që janë përgatitur  prej përdoruesve të internetit  dhe që mund të jenë tejet të dobishme. Kërkimi semantik, i cili mbështetet mbi teknologjitë  e reja, përpiqet të bëjë një përzgjedhje burimesh informacioni, nisur për nga kuptimi i tyre. Me të ju mund të kërkoni edhe në gjuhën e natyrshme.

Surface dhe Deep Web

Epërsi të veçanta shfaqin para së gjithash instrumentat e kërkimit Deep Web. Në mënyrë që t'Ju mundësojmë të kuptoni dhe vlerësoni këto epërsi, është e rëndësishme të shkëpusim diçka shkurt. Rrjeti mund të ndahet në linja të përgjithshme në dy pjesë. Fillimisht rrjeti i sipërfaqeve (angl. "Surface Web"), i cili kërkohet prej instrumentave të tillë si Google, Bing dhe shumë të tjerë, si dhe indeksohet prej tyre. Prej këtyre indekseve gjenerohen më pas rezultatet për kërkimet tuaja.

Përmbajtjet e këtyre rrjeteve-sipërfaqe përbëhen nga faqe statike, të cilat mund të kërkohen nga instrumentat e kërkimit me ndihmën e Crawlers. Këtu bëhet fjalë për sasi të jashtëzakonshme informacionesh të pafiltruara, të cilat renditen me ndihmën e algoritmeve në një mënyrë të tillë, që burimet më relevante të shfaqen që në faqet e para të rezultateve të kërkimit.



Përkundrejt kësaj, përmbajtjet e Deep apo Invisible Web - vlerësuar me një vëllim 500-700 herë më të madh! - janë të padukshme  për Instrumentat e zakonshëm të kërkimit. Kjo lidhet me faktin, se ato nuk gjenden fare në rrjet, pra, edhe nuk mund të indeksohen, por mund të thirren vetëm me ndihmën e kërkimit në bankat përkatëse të të dhënave. Informacionet, që gjenden atje - shpesh edhe literaturë (shkencore) - dëshmojnë një cilësi të shkëlqyer dhe janë të domosdoshme për çdokënd, që dëshiron të merret në mënyrë të thelluar me BE.

Në përfundim të kësaj hyrjeje sjellim në vëmendjen tuaj, se kjo ju jep në dorë premisat për të patur rezultate vërtet relevante në kërkimet tuaja rreth BE, por nisur prej faktit, që kërkimet në internet janë zhvilluar në një fushë speciale tejet komplekse, sigurisht që është e pamundur të trajtohen të gjitha aspektet, qoftë kjo edhe në mënyrë të përafërt.

... shko më tej te Tipi 1: Instrumentat e kërkimit


[© Teksti dhe grafikët: Shoqëria Agora]
 

© 1998-2010 D@dalos - Edukimi politik, Edukimi me parimet e demokracisë, Edukimi me të drejtat e njeriut, Pedagogjia e paqes (Projekt i Pharos e.V.), Web: Agora