Kompleksi tematik BE: Kursi bazë 5

Duket qartë se në rastin e zgjerimit bëhet fjalë për një tematikë jashtëzakonisht komplekse. Këtu nuk është fjala vetëm për BE dhe shtetet e tij anëtare - çka do të kishte qenë më shumë se mjaftueshëm -, por edhe për çështje të tilla bazë të organizimit të marrëdhënieve mes vendeve evropiane pas konfliktit Lindje-Perëndim, për stabilizimin e rendit të brendshëm në vendet e Evropës Qendrore dhe Lindore, si dhe për shumë të tjera. Në këtë këndvështrim përpjekja për të përcjellë një panoramë të përgjithshme, qoftë edhe të përafërt, do të kishte qenë a priori e destinuar të dështojë.

Por ridhënia e plotë as nuk është e nevojshme, sepse në këtë kurs bazë ne duam të realizojmë një objektiv të caktuar, i cili është i krahasueshëm me atë që caktuam edhe për analizën e zhvillimit të BE. Ideja është që me anë të një vështrimi të përgjithshëm mbi zhvillimin e deritanishëm të procesit të zgjerimit të përçojmë para së gjithash një ide bazë për aspektet e tij më të rëndësishme në kuptimin e forcave lëvizëse, faktorëve ndikues etj, duke Ju dhënë kështu në dorë një model të vogël, me ndihmën e të cilit Ju do të mund të ndiqni në mënyrë të pavarur si dhe të gjykoni të gjtiha proceset, që kanë të bëjnë me zgjerimin, në momentin që faktet e përcjella në këtë pjesë të këtij kompleksi tematik të jenë vjetëruar.

[Kreu i faqes]

Shtojcë e Kursit bazë 5

Për cilat njohuri, mjete ndihmëse dhe instrumente kemi nevojë, që të mund të arrijmë këtë objektiv?

Model për analizën e procesit të zgjerimit	Para së gjithash kemi nevojë për një kuadër analize, një model, i cili të na ndihmojë të krijojmë raportin e duhur me realitetin kompleks dhe të vendosim se për çfarë duhet të tregojmë kujdes dhe se çfarë janë faktorët - dhe kjo është vendimtare - të cilët karakterizojnë dhe ndikojnë zhvillimin e procesit të integrimit. Më pas kemi nevojë edhe për informacione mbi faktet përkatëse, që kërkojmë të përvetësojmë në tre hapa.
Faza 1: Nga kërkesa e parë për anëtarësim e Britanisë së Madhe deri në zgjerimin EFTA	Për këtë duam që fillimisht të shohim shkurt raundet e deritanishme të zgjerimit që nga viti 1961, kërkesa e parë për anëtarësim e Britanisë së Madhe, deri më 1995, i ashtuquajturi zgjerimi EFTA. Kjo do të shërbejë së pari për të bërë një përmbledhje të etapave të deritanishme. Dhe funksioni i dytë shumë i rëndësishëm qëndron në analizën e faktorëve përcaktues në përputhje me modelin.
Faza 2: Zgjerimi lindor	Në hapin e dytë duam që në mënyrë analoge - edhe pse duke iu referuar karakteristikave, aktualitetit dhe pasojave të shumta të kësaj etape, në mënyrë shumë më të hollësishme - të merremi me zgjerimin lindor të 1 maj 2004 me jo më pak se dhjetë shtete të reja.
Faza 3: Procesi i zgjerimit në vijim me Bullgarinë, Rumaninë, Kroacinë dhe Turqinë në analizë	Në qendër të hapit të tretë është procesi i zgjerimit në vijim, pra problemet ende të pazgjidhura pas nënshkrimit të marrëveshjeve të anëtarësimit më 24.05.2005 me dy vendet kandidate, Bullgarinë dhe Rumaninë; e ardhmja e bisedimeve fillimisht të shtyra për në mars 2005 me Kroacinë, dhe çështja, e bërë edhe më urgjente dhe e diskutueshme pas "Jo"-së së referndumeve në Francë dhe Hollandë si dhe pas zgjedhjeve të shtatorit 2005 në Gjermani, nëse Turqia do të pranohet në BE, dhe nëse po, me cilat kushte. Për këtë arsye ajo jo vetëm duhet diskutuar hollësisht, por ne duam, që me anë të të këtij shembulli të tregojmë, se si modeli ynë mund të shërbejë, që të hedhë dritë në një proces të tillë kaq kompleks madje edhe të japë një prognozë të kujdesshme në lidhje më rrjedhën e mëtejshme.

Kaq për këtë vështrim të përgjithshëm mbi Kursin bazë 5, për nga tematika veçanërisht interesant dhe kurioz. Një përmbledhje të shkurtër linkesh në lidhje me pjesët përkatëse e shihni më poshtë.