Një model analize për zgjerimin e BE

Bashkimi Evropian

Listë-përmbajtja e modelit të analizës

Fillesat dhe pjesët përbërëse të modelit

Faktorët përcaktues të procesit të zgjerimit

Bazat kontraktore

Fillesat dhe pjesët përbërëse të modelit

Cila është origjina e modelit?

Analiza të hollësishme të raundeve të deritanishme të zgjerimit kanë treguar, që një rol të rëndësishëm kanë luajtur gjithmonë pesë faktorë, të cilët kanë ndikuar dhe karakterizuar në mënyrë vendimtare rrjedhën dhe rezultatin e tyre.Ne duam të shfrytëzojmë këtë fakt dhe të krijojmë së këtejmi një model të vogël, në mënyrë që të kuptojmë më mirë procesin e zgjerimit.

Baza kontraktore

Faktorin e parë përcaktues e përbëjnë këtu bazat kontraktuale, pra rregulloret brenda BE, të cilat përcaktojnë në detaje, se si duhet të rrjedhë procesi i zgjerimit. Sepse, për shembull, do të kishte shumë rëndësi nëse në lidhje me një raund zgjerimi do të vendosej unanimisht apo me shumicë votash dhe se cilët duhet të votojnë pro.

Se cilat janë këto baza kontraktuale për këtë më shumë në fund të kësaj pjese. Le të vërejmë fillimisht faktorët e tjerë, në mënyrë që të kemi të gjitha pjesët përbërëse të modelit së bashku.

Fushë tensioni mes zgjerimit dhe thellimit

Megjithëse në marrëveshje rregulloret e zgjerimit ekzistonin që prej fillimit asnjëherë nuk ndodhte , që KEE, Komuniteti Evropian apo Bashkimi Evropian dhe /ose shtetet e tij anëtare të ishin përpjekur njëkohësisht në mënyrë të palodhur dhe të vazhdueshme për zgjerimin e rrethit të shteteve anëtare. Shkaku ishte frika pa dyshim e arsyeshme që më shumë shtete anëtare do të thoshtë më shumë heterogjenitet, gjë që do ta rëndonte bashkëpunimin në mënyrë të konsiderueshme. Për këtë arsye kërkesat për anëtarësim janë diskutuar gjtihnjë nën perspektivën e pyetjes, nëse zgjerimi do të kishte pasoja negative për një thellim të mëtejshëm të procesit të integrimit dhe nëse po deri në ç'masë. Ky raport tensioni mes zgjerimit dhe thellimit përbën faktorin e dytë përcaktues brenda modelit.

Gjithsesi - dhe këtë e tregojnë zgjerimet e deritanishme në mënyrë krejt të qartë — vendimet në lidhje me anëtarësimin e shteteve të reja deri më tani nuk janë marrë asnjëherë vetëm si pasojë e një analize të mirëorientuar dhe të peshuar të raportit mes zgjerimit dhe thellimit. Por shumë përcaktues për sjelljen e aktorëve të komunitetit ishin tre faktorë të tjerë.

interesa te veçantë sektorialë

Faktorin e parë në këtë kontekst e përbëjnë interesat e veçanta të shteteve anëtare në fusha të caktuara , le të themi fakti, që degë të caktuara të ekonomisë u frikësoheshin dizavantazheve, që mund të vinin nga prodhime më të afta konkurruese të vendeve kandidate për anëtarësim. Le të sjellim ndër mend këtu sektorin bujqësor dhe kundërshtimin e Francës ndaj një zgjerimi në drejtim të jugut.

interesat kombëtare

Interesat „kombëtare“ përbëjnë një faktor tjetër, pikërisht pra fakti, që zgjerimi do të zvogëlonte mundësinë e disa shteteve anëtare për të ndikuar në vendimmarrje. Kjo shprehet, për shembull, në çështjen e shpërndarjes së votave në Këshill, që është diskutuar herë pas here në kurset e mëparshme.

Aftësia vendimmarrëse e sistemit të BE

Faktorin e fundit këtu e përbëjnë druajtjet e shteteve anëtare dhe të të gjithë aktorëve të tjerë, si Komisioni apo Parlamenti Evropian, se deri në ç'masë do të mund të ndikonte zgjerimi në aftësinë vendimmarrëse të sistemit të BE.

[Kreu i faqes]

Faktorët përcaktues të procesit të zgjerimit

Këtu modeli i analizës në përmbledhjen grafike do të dukej sikurse e tregon diagrama e mëposhtme.

[Kreu i faqes]

Bazat kontraktuale

Përpara se të hymë në aplikimin e modelit për fazën 1, pra për kohën mes kërkesës së parë për anëtarësim të Britanisë së Madhe në vitin 1961 dhe të ashtuquajturit zgjerim EFTA me Finlandën, Austrinë dhe Suedinë në vitin 1995 le të përmbledhim shkurtimisht rregullat kontraktore për zgjerimin.

Marrëveshjet e Romës: Preambula dhe neni 237	Çështja e zgjerimit është diskutuar në shumë pjesë të Marrëveshjeve të Romës. Kështu në preambul bëhet fjalë për një vullnet të fortë për të hedhur bazat për një lidhje dhe bashkim gjithnjë e më të ngushtë të popujve evropianë. Ndërsa popujve të tjerë të Evropës u drejtohet thirrja për tu bashkuar me synimet e përshkruara në preambul. Përveç kësaj në një nen të veçantë, nenin 237, rregullohej procedura për pranimin e anëtarëve të tjerë. Në këtë mënyrë secili shtet evropian mund të bejë kërkesën për anëtarësim. Këshilli, të cilit i duhet paraqitur kërkesa, duhet të marrë një vendim me bazë unanimiteti, pasi të ketë marrë edhe pozicionin e Komisionit. Kushtet e pranimit rregullohen me anë të një marrëveshjeje mes shteteve anëtare dhe shtetit aplikues. Kjo marrëveshje duhet të ratifikohet nga të gjitha shtetet kontraktuese sipas procedurave të tyre juridiko-konstitucionale.
Prej DNjE: PE duhet të japë miratimin	Kjo gjendje fllestare kontraktore gjithsesi ka pësuar një ndryshim shumë të madh me rishikimin e parë të Marrëveshjes, me Dokumentin e Njësimit Evropian (DNjE), pasi prej atij momenti është detyrimisht i domosdoshëm miratimi i Parlamentit Evropian PE.
Zhvillimi prej Mastrihtit	Kjo rregullore u mor në Traktatin e Mastrihtit, konkretisht neni O i Marrëveshjes së BE, i cili shfuqizoi nenin 237 të Marrëveshjes së Komunitetit Evropian. Ajo vazhdon të jetë e vlefshme edhe pas hyrjes në fuqi të Traktatit të Amsterdamit — tanimë me nenin 49 të Marrëveshjes së BE. Përcaktimet e reja dhe të shumta plotësuese në Marrëveshjen e Nisës, veçanërisht në të ashtuquajturin „Protokoll mbi zgjerimin e BE“, rregullojnë para së gjithash përbërjen e organeve si dhe shumicat e domosdoshme në një Bashkim 25- apo 27-vendësh.
Bazat kontraktuale në një përmbledhje grafike	Në përmbledhjen grafike të mëposhtme prezantohen bazat kontraktore të zgjerimit të BE si më poshtë vijon:

Në këtë mënyrë siguruam të gjitha informacionet e duhura për të realizuar analizën e një procesi të komplikuar zgjerimi. Ne dëshirojmë të fillojmë më një përmbledhje të shkurtër të fazës 1, të kohës mes kërkesës së parë të anëtarësimit nga Britania e Madhe në vitin 1961 dhe zgjerimit EFTA më 1995, ku do t'Ju udhëheqë linku vijues.

[Autor: Prof. Dr. Wolfgang Schumann]

... shko më tej në Fazën 1, "Nga kërkesa e parë për anëtarësim e Britanisë së Madhe deri në zgjerimin EFTA...

[Kreu u faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e paqes    II    Metodat

Kjo ofertë online është zhvilluar nga a gora-wissen Shoqata e Shtutgartit për përçim dijesh përmes mediave të reja dhe edukimit politik (GbR). Në rast pyetjesh ose vërejtjesh drejtohuni, Ju lutemi, te ne .