Veçori të strukturës institucionale të BE

dhe shkaqet e saj

Në këtë kuadër ne u ndeshëm edhe me arsyet për këtë konstrukt karakteristik, të cilat ishin, nga njëra anë, pikërisht një sërë detyrimesh funksionale, të cilat impononin bashkëpunimin. Nga ana tjetër janë idetë e ndryshme të shteteve anëtare për mënyrën e organizimit të këtij  bashkëpunimi (ndërshtetëror – mbikombëtar). Të dyja këto çuan në struktura krejt të ndryshmeinstitucionale dhe proceduriale në fusha të caktuara politike dhe mbajnë kështu përgjegjësinë kryesore për kompleksitetin e Sistemit të BE.

Analiza e Kolonës së Dytë dhe të Tretë

Këto njohuri të fituara deri më tani ekskluzivisht nga analiza e Kolonës së Komunitetit Evropian, duhen plotësuar tashmë me shqyrtimin  e dy kolonave të tjera të Bashkimit Evropian, pikërisht të Politikës së Përbashkët të Jashtme dhe të Sigurisë (PPJS) dhe të plotëses së saj, Politikës Evropiane për Sigurinë dhe Mbrojtjen (PESM) si Kolonë e dytë, dhe me të Bashkëpunimit në Politikën e Drejtësisë dhe të Brendshme, si Kolonë e Tretë.

plotëson panoramën e strukturës institucionale dhe të dinamikës së procesit të integrimit

Në të dyja fushat bëhet fjalë për mbështetësit kryesorë të sovranitetit kombëtar, të cilët – sikurse duket, edhe për këtë arsye – u pranuan brenda kuadrit të BE vetëm pas Marrëveshjes së Maastrihtit – pra pas dekadash të tëra bashkëpunimi në Komunitetin Evropian – pikërisht pra jashtë Komunitetit Evropian dhe me rregulla proceduriale dhe institucionale, që ishin shmangie nga Kolona e Komunitetit Evropian. Por pikërsht për këto arsye është përfshirja e tyre në këtë kontekst shumë e rëndësishme dhe e domosdoshme, në mënyrë që të përftohet një panoramë e plotë e strukturës institucionale të BE dhe e dinamikës së procesit të integrimit.