Bashkimi Evropian

Veçoritë

Në këtë pjesë donim të njihnim ato karakteristika të strukturës institucionale të BE, të cilat kanë çuar në klasifikimin  e tij si mbikombëtar dhe përmes të cilave ai dallon nga organizatat klasike ndërkombëtare. Cilat janë veçoritë e strukturës institucionale të BE-së?

Rendi juridik

Së pari është për tu përmendur rendi juridik, dhe, lidhur ngushtë me të, roli i Gjykatës Evropiane, i cili përngjan shumë me kontekstin e sistemeve politike kombëtare.

Diferencimi funksional

Së dyti  duhet vënë theksi te diferencimi funksional, aktualisht  shumë i theksuar, diferencim ky, që përshkon të gjitha nivelet, dhe ka kontribuar ndjeshëm, që formulimi i politikës së BE në shtetet anëtare të humbasë gjithnjë e më shumë karakterin e politikës së jashtme klasike.

Kalim konsekutiv në mbikombëtarizim

Dhe në mbyllje, së treti, përmendim kalimin konsekutiv  në vendimmarrjen me shumicë të kualifikuar në Këshillin e Ministrave, rritjen e jashtëzakonshme të rolit të Parlamentit Evropian, i cili ndërkohë në shumë fusha është shndërruar në një bashkëlojtar të barazvlefshëm me Këshillin e Ministrave.

Analogji me sistemet politike kombëtare

Krahas kësaj vazhdon të ketë tregues për karakterin ndërshtetëror të BE, veçanërisht në fushën e Politikave të Përbashkëta të Jashtme dhe të Sigurisë. E megjithatë në analizën tonë të strukturës institucionale të BE u bë e qartë, që ky bashkëpunim i shteteve kombëtare shënon në fakt njërin pol të politikës ndërkombëtare, një pol ky, i cili dëshmon analogji të shumta dhe të paanashkalueshme  me politikën brenda sistemeve politike kombëtare.

Përmbledhje

Në këtë mënyrë mbërritëm në fundin e këtij prezantimi (por jo të Kompleksit Tematik mbi BE). Te Kursi bazë 1 jemi marrë me rëndësinë e BE. Te Kursi bazë 2 kemi theksuar veçoritë e sistemit disanivelesh të BE duke u nisur nga modeli i sistemeve politike kombëtare.  Kursi bazë 3, me shumë volum, iu kushtua zhvillimit të integrimit Evropian që prej Luftës së Dytë Botërore, duke njohur forcat kryesore lëvizëse të integrimit. Kursi bazë 4 u mor me strukturën institucionale komplekse, që është rezultat i zhvillimit të BE dhe që vazhdon të jetë në shndërrim të përhershëm. A kemi një pamje të plotë tani?

Boshllëqe në prezantim

Jo, panorama jonë për BE nuk është ende e plotë, po kështu edhe aftësia jonë për të analizuar BE në mënyrë të pavarur, pasi ky është objektivi më i rëndësishëm i këtij kompleksi tematik. Kjo panoramë nuk është e plotë, pasi nga tre dimensionet e politikës  (polity, politics dhe policy) ne kemi diskutuar në mënyrë të hollësishme vetëm të parin, pikërisht dimensionin institucional. Proceset e politikës (politics) dhe përmbajtjet e saj (policy) kanë qenë herë pas here objekt bisede, por nuk janë paraqitur në mënyrë sistematike. Shpresojmë që këto aspekte të mund t'i trajtojmë së shpejti.

Analizë e pavarur

Përsa i përket këtij boshllëku, mund të na ndihmojë Kursi bazë 5 në vijim. Ajo që na mungon për të analizuar në mënyrë të pavarur BE, janë njohuritë rreth kërkimeve profesionale rreth BE. Fakti që në këtë kontekst jemi të varur para së gjithash nga interneti, është i vetëkuptueshëm, nëse sjellim ndërmend që në rastin e BE bëhet fjalë për një moving target.
 

... shko më tej te Kursi bazë 5: Kërkimet mbi BE ...