Dadalos: Bashkimi Evropian - Si është zhvilluar BE?

Bashkimi Evropian

Kursi bazë 3: Si është zhvilluar BE?

Bilanc: Rreth dobisë së analizës së procesit të integrimit

Prognoza të mundshme?

Në këtë faqe do të bëjmë një bilanc të njohurive të marra gjatë vështrimit tonë në historinë e procesit të integrimit. Pretendimi ynë ishte, që ky vështrim historik i orientuar për nga pyetjet, të na jepte në dorë një tërësi instrumentash, të cilat do të na bënin të mundur të analizojmë BE në çdo moment dhe në mënyrë të argumentuar, si dhe, deri në një farë mase, të japim prognoza të kujdesshme në lidhje me zhvillimin e mëtejshëm të tij.

Faktorë përcaktues të zhvillimit të BE

Model për zhpjegimin e zhvillimit të BE

Duke përshkuar zhvillimin e BE kemi ndeshur në faktorë të rëndësishëm ndikues, që janë përgjegjës për faktin, nëse integrimi ecën përpara në mënyrë dinamike apo kemi stagnacion në zhvillimin e BE. Në mënyrë të përmbledhur bëhet fjalë për:

detyrimet funksionale

sfidat e jashtme

interesat kombëtare

5 linja konflikti

tejrritje e heterogjenitetit

aktiviteti i organeve mbikombëtare

rregullat e vendimmarrjes

shtim i acquis communautaire

hapësirat e veprimit të qeverive

Teza jonë është, që ndryshimi i këtyre faktorëve përcaktues dhe i peshës së tyre relative përgjatë kohës shpien drejt progresit apo krizave në zhvillimin e BE. Forma e faktorëve përcakues ndikon në tiparet e BE në një moment të caktuar.

Nëse Ju do të ndryshonit për shembull faktorin e rregullave të vendimmarrjes, duke futur përgjithësisht vendimmarrjen me shumicë të kualifikuar, kjo do të bënte që BE të ndryshonte në drejtim të një mbikombëtarizimi më të madh, duke iu afruar gjendjeve të tilla, sikurse i njohim të gjithë në shtetet tona kombëtare.

Aplikimi i modelit

1) DNjE / Tregu i Brendshëm

Le të provojmë tani vlerën sqaruese të këtij modeli duke vënë përballë njëra-tjetrës dy faza të ndryshme të zhvillimit të BE, dhe pikërisht kohën e DNjE – periudhë shpërthyese dhe dinamike pas një stagnacioni të gjatë – dhe situatën prej momentit të dështimit të Kushtetutës, në të cilën duket se nuk po bëhet përpara. A mund të shpjegohet e gjithë kjo me anë të konstelacionit (të ndryshëm) të faktorëve përcaktues?

Le të shohim fillimisht situatën përpara DNjE dhe Tregut të Brendshëm. Këtu është krejtësisht e qartë, që referuar faktorëve tanë përcaktues kemi të bëjmë me një situatë të shkëlqyer (+). Vetëm modaliteti i vendimmarrjes me unanimitet, që rezultoi nga Kompromisi i Luksemburgut, u provua të ishte një faktor negativ dhe qartësisht vështirësues (-).

Faktorët përcaktues	Ndikimi i faktorëve përcaktues	+/-
detyrimet funksionale	jashtëzakonisht i lartë; rrezik për të humbur lidhjen teknologjike	+
sfidat e jashtme		+
interesat kombëtare	relativisht të përputhshme, para së gjithash në çështje ekonomike	+
5 linja konflikti	i pakët, përputhje e ideve të qeverive të shteteve të mëdha anëtare	+
tejrritje e heterogjenitetit		+
organe mbikombëtare	Komisioni Delors dhe Parlamenti Evropian shumë aktivë dhe dinamikë	+
rregullat e vendimmarrjes	unanimitet pas Kompromisit të Luksemburgut	-
rritje e acquis	Përfshirje e shumë sektorëve të rinj të politikës dhe rritje e elementit mbikombëtar përmes vendimeve të Gjykatës Evropiane	+
hapësirat e veprimit	relativisht i madh, para së gjithash: nuk ka kufizime përmes qëndrimit të popullsive	+

2) Situata pas dështimit të Kushtetutës

Duke iu referuar faktorëve me ndikim pengues (-) dhe favorizues (+) situata në vitin 2005 na paraqitet me një pamje pothuaj të kundërt me të mësipërmen. Vetëm detyrimet funksionale dhe sfidat e jashtme të mirëprofiluara vazhdonin të ushtronin presion në drejtim të përshtatjes së institucioneve dhe rregullave të lojës.

Faktorët përcaktues

Ndikimi i faktorëve përcaktues

+/-

detyrimet funksionale

vazhdon të jetë tejet i lartë

+

sfidat e jashtme

interesat kombëtare

mospërputhje, veçanërisht në çështje institucionale

-

5 linja konflikti

masë shumë e lartë heterogjeniteti (27 shtete anëtare në vend të 10!); linjat e konfliktit të qarta më shumë se kurrë

-

tejrritje e heterogjenitetit

organe mbikombëtare

ndikim i paktë duke u nisur nga fusha konkrete (çështje institucionale)

-

rregullat e vendimmarrjes

Unanimitet për ndryshimet e nevojshme institucionale

-

rritje e acquis

rritja e acquis e bën tejet të vështirë përfshirjen e shteteve të reja anëtare

-

hapësirat e veprimit

shumë i pakët; skepticizëm nga ana e popullsive deri në refuzim

-

Analiza e zhvillimeve të ardhshme

Kështu kemi mbërritur në mbyllje të kalimit tonë përmes historisë së BE-së dhe përjekjeve për të shpjeguar zhvillimin e procesit të integrimit. Me modelin në formë shembulli shpresojmë t'Ju kemi vënë në dispozicion një tërësi instrumentash, që do t’Ju ndihmojnë për të shpjeguar dhe kuptuar jo vetëm ngjarjet e së shkuarës, por edhe ato të së tashmes dhe të së ardhmes

Dhe tani, në kursin e ardhshëm bazë (4), do të analizojmë strukturën komplekse të institucioneve, e cila është kristalizuar si procese të realizuara në periudha të ndryshme, procese që sapo i analizuam.

... shko më tej te Kursi bazë 4: Si merren vendimet në BE? ...

[Autoren: Dr. Ragnar Müller / Prof. Dr. Wolfgang Schumann]

[Kreu i faqes]

Temat: Të drejtat e njeriut  I Modele I Demokracia I Partitë I Evropa I  Globalizimi I Kombet e Bashkuara I Qëndrueshmëria

Metodat:    Didaktika politike    II    Pedagogjia e edukimit    II    Metodat

Kjo ofertë onlinë për edukim politik është zhvilluar nga a gora-wissen Shoqëria e Shtutgartit për Përçim Dijesh përmes mediave të reja dhe edukimit politik (GbR). Në rast pyetjesh apo vërejtjesh drejtohuni, Ju lutemi, te ne. Organizatë zbatuese e Programit të Edukimit D@dalos është Shoqata Pharos Stuttgart/Sarajevo.